14/08/2025
香港同澳門嘅酒店自助餐真係多到眼花撩亂，要搵間有靚海鮮、甜品放題又唔太貴、環境又舒服嘅餐廳，其實唔係容易。
今次 OKiBook 幫大家精選咗14間人氣酒店餐廳，橫跨港島、九龍、新界甚至澳門都有，主打海鮮放題，生蠔、龍蝦、蟹腳等。
文章每個月都會更新，仲附埋 OKiBook 嘅優惠訂座連結，輕鬆預訂心水餐廳！
1. 天際咖啡室 – 香港天際萬豪酒店｜香港國際機場 ｜OKiBook訂座高達6折!
2. 大灣咖啡廳 Big Bay Café – 嘉里酒店｜紅磡
3. 星耀廳 Lighthouse Café｜香港富麗敦海洋公園酒店｜南區｜OKiBook訂座高達75折!
6. Harbour Grand Café – 港島海逸君綽酒店｜北角
7. The Market – 唯港薈｜尖沙咀 ｜OKiBook訂座人均低至$448!
10. Yamm – 美麗華酒店｜尖沙咀 ｜OKiBook訂座高達7折!
11. 自助山 The Grand Buffet – 澳門上葡京酒店｜澳門
12. Harvest Restaurant – 挪亞方舟｜馬灣
如果你係機場附近，天際咖啡室絕對係唔錯選擇。餐廳位於香港天際萬豪酒店，環境闊落，仲有落地玻璃望住海景。餐廳主打全天候國際自助餐，廚師即場炒煮，氣氛一流。
海鮮迷一定唔可以錯過佢哋嘅冰鎮海鮮專區，供應生蠔、波士頓龍蝦、鱈蟹腳、鮮蝦同翡翠螺，啱晒鍾意海鮮嘅你。亞洲風味方面有中式麵檔、港式點心同印度咖喱。
甜品方面括開心果芝士蛋糕、法式焦糖燉蛋、朱古力雪糕蛋糕、馬卡龍忌廉撻等，仲有 Häagen-Dazs 雪糕櫃，絕對係同家人朋友約會嘅好選擇！
自助餐價錢及OKiBook訂座折扣
| 餐期 | 成人價（每位） | 小童價（每位）< | 長者價（每位） |
| 自助早餐 |
HK$ 206.40
|
HK$ 103.20
| |
| 自助午餐 |
HK$ 244.80
|
HK$ 166.80
|
HK$ 226.80
|
| 自助晚餐 |
HK$ 424.80
|
HK$ 262.80
|
HK$ 400.80
|
地址：東涌航天城路1號 香港天際萬豪酒店最近港鐵站：東涌站（C出口，轉乘酒店穿梭巴士）
OKiBook預訂連結：天際咖啡室
大灣咖啡廳喺嘉里酒店三樓，坐得舒服又開揚，可以望住成個維港！餐廳設有室內同露天座位。
主打環球美食嘅自助餐設有多個開放式美食區，師傅即場蒸麵包蟹、煮蜆、炸大蝦、炙燒八爪魚同火炙三文魚。冰鎮海鮮方面有青口、大蝦同蜆。
壽司及卷物包括鰻魚壽司、芒果卷、牛油果蟹肉卷等。熱葷方面有即切西冷牛扒、印度咖哩同各式熱盤。 餐廳仲會定期推出主題自助餐，例如榴槤盛宴、意大利美饌等
自助餐價錢（2025年7月4日至8月31日）
| 餐期 | 價錢（每位） |
| 自助早餐 (每日 07:00–10:30) | HK$348 |
| 自助午餐 (星期一至五 12:00–14:30) | HK$448 |
| 自助早午餐 (星期六、日及公眾假期 12:00–14:30) | HK$628 |
| 自助下午茶 (星期六、日及公眾假期 15:15–17:00) | HK$408 |
| 自助晚餐 (星期一至四 18:00–21:30) | HK$738 |
| 自助晚餐 (星期五至日及公眾假期 18:00–21:30) | HK$838 |
地址：香港九龍紅磡灣紅鸞道38號嘉里酒店3樓
最近港鐵站：港鐵紅磡站步行約10分鐘
預訂連結：大灣咖啡廳 Big Bay Café
星耀廳係海洋公園酒店入面嘅自助餐廳，全日開放，啱晒去完海洋公園再食餐好嘅！餐廳設有多個即場烹調區，師傅即切刺身、烹調星洲胡椒蝦、泰式炒魷魚同肉骨茶。
海鮮冷盤方面有龍蝦鉗、長腳蟹、鮮蝦同各款刺身，鮮味十足。西式熱葷有脆皮意式豬腩卷、冬蔭功忌廉意粉同椰香咖喱魚。
自助餐價錢及OKiBook訂座折扣
| 餐期 | 成人價（每位） |
| 自助午餐優惠（星期一至五） |
HK$418.50
|
| 自助午餐（星期六至日及公眾假期） |
HK$478.40
|
| 自助晚餐（星期一至四） |
HK$598.50
|
| 自助晚餐（星期五至日及公眾假期） |
HK$710.40
|
地址：香港仔海洋徑3號 香港富麗敦海洋公園酒店1樓
最近港鐵站：港鐵海洋公園站 B 出口，設有酒店免費穿梭巴士
OKiBook預訂連結：星耀廳 Lighthouse Café
星滙餐廳喺新濠影匯東翼二樓，裝修走華麗路線，Art Deco 風格夠晒搶眼，影相打卡一流。餐廳主打環球自助餐，而且每個月都會轉新主題，食物款式唔會悶。
海鮮冷盤方面有長腳蟹、生蠔、青口、鮮蝦同海螺，全部新鮮爽甜，海味十足。亞洲風味菜式包括肉骨茶、海南雞、泰式炒粉、日式刺身壽司等。西式熱葷方面有香煎羊架、燒牛肉、焗龍蝦同洋蔥湯。甜品專區有榴槤甜點、芒果糯米飯、雪糕同即製刨冰。
餐廳仲會不定期推出馬來西亞、泰國、印度等地特色主題料理。
自助餐價錢
|
餐期 |
成人價（每位） |
小童價（6–12歲） |
|
自助早餐（07:00–10:30） |
MOP 238+ |
MOP 118+ |
|
自助午餐（12:00–15:00） |
MOP 358+ |
MOP 188+ |
|
自助晚餐（18:00–22:00） |
MOP 628+ |
MOP 318+ |
地址：澳門路氹城路氹連貫公路新濠影匯酒店東翼2樓2113號
交通方式：設有免費穿梭巴士往返氹仔市中心、港澳碼頭及關閘口岸
預訂連結：星滙餐廳 Spotlight
Promenade 西餐廳香港都會海逸酒店七樓，最大賣點就係佢嗰條超長自助餐枱，足足有一百米咁長，視覺震撼又方便揀食物！餐廳主打環球自助餐，中、日、西式風味齊備，款式夠晒多元化，仲會唔定期搞主題美食節。
海鮮冷盤方面有雪花蟹腳、龍蝦鉗、生蠔、青口同鮮蝦。中式熱葷有鹵水鴨肝、潮汕鵝、港式燒味同花膠碗仔翅。西式料理方面有燒原條肉眼、香煎鴨肝同焗芝士海鮮。日式料理包括刺身、壽司同日式冷麵；港式特色菜如韭菜豬紅、鹹菜豬肚、麻辣東風螺。
甜品專區仲有朱古力噴泉、豆腐花、麵包布丁、Mövenpick 雪糕同榴槤脆酥！
自助餐價錢
|
餐期 |
價錢（每位） |
|
自助午餐（12:00–14:30） |
HK$286.8 起 |
|
自助晚餐（18:00–21:30） |
HK$460.8 起 |
地址：香港紅磡都會道7號 都會海逸酒店7樓
交通方式：港鐵紅磡站 C2 出口步行約3分鐘，設有酒店免費穿梭巴士往返尖沙咀
預訂連結：Promenade 西餐廳
餐廳主打環球自助餐，中、西、日、韓風味樣樣有。海鮮冷盤方面有即開生蠔、蟹腳、麵包蟹、阿根廷蝦、青口同刺身壽司。中式熱葷有片皮鴨、花膠扣冬菇、蝦子花膠鴨掌同燒有骨牛肉。西式料理方面仲有燒羊脾同洋蔥湯。
甜品專區包括火焰焦糖燉蛋、朱古力心太軟、燕窩椰子奶凍同 Mövenpick 雪糕（多達12款口味）。
自助餐價錢
| 餐期 | 成人及長者 | 小童 |
|
自助早餐（07:00–10:30） |
HK$225 |
HK$165 |
|
自助午餐（週三至週四｜12:00–14:30） |
HK$428 |
HK$298 |
|
自助午餐（週五｜12:00–14:30） |
HK$458 |
HK$318 |
|
自助午餐（週六至週日及公眾假期｜12:00–14:30） |
HK$498 |
HK$348 |
|
午市套餐（週一至週二｜12:00–14:30） |
HK$109 |
— |
|
自助晚餐（週三至週四｜18:30–22:00） |
HK$738 |
HK$518 |
|
自助晚餐（週五至週日及公眾假期｜18:30–22:00） |
HK$798 |
HK$558 |
|
晚市套餐（週一至週二｜18:30–21:30） |
HK$109 |
|
地址：香港北角油街23號 港島海逸君綽酒店三樓
最近港鐵站：港鐵炮台山站 A 出口步行約3分鐘
預訂連結：Harbour Grand Café
The Market 喺尖沙咀唯港薈二樓，係香港出晒名嘅五星級自助餐廳，連續十三年攞「香港最佳自助餐餐廳」獎！
餐廳設有七個開放式廚房，由唔同國籍嘅主廚主理，靈感來自亞洲同歐洲嘅地道市集，食物款式夠晒多元化。每日供應嘅海鮮盛宴包括阿拉斯加帝王蟹腳、加勒比海野生龍蝦、蒜蓉粉絲蒸扇貝、冰鎮蝦、青口，全部新鮮爽甜，肉質飽滿。仲有即開生蠔、法國藍青口、翡翠螺、雪蟹腳等冷盤海鮮！
部分海鮮仲會以亞洲風味烹調，例如泰式香辣炒蟹、日式炙燒帆立貝、港式避風塘炒蝦。
自助餐價錢
| 餐期 | 成人價（每位） | 小童價（4–11歲） |
|
自助午餐（星期一至五） |
HK$448 起 |
HK$318 起 |
|
自助晚餐（星期一至五） |
HK$858 起 |
HK$578 起 |
|
自助晚餐（星期五至六） |
HK$908 起 |
HK$628 起 |
地址：香港尖沙咀科學館道17號唯港薈二樓
最近港鐵站：紅磡站（D1出口，步行約8分鐘）或尖東站（P2出口，步行約12分鐘）
OKiBook預訂連結：The Market
快船廊喺香港文華東方酒店閣樓，環境夠靜同舒服，設計靈感來自東方遊艇，裝潢優雅又有格調。坐喺窗邊仲可以望住皇后像廣場，景觀一流。
餐廳提供全天候自助餐，主打精緻海鮮、經典西式料理同港式招牌菜，款式夠晒多元，味道有水準。每日供應嘅海鮮冷盤包括鮮開生蠔、白灼波士頓龍蝦、本地鮑魚、雪蟹腳、法國藍青口、挪威凍蝦，仲有師傅即場處理。
熱葷方面亦有椰汁紅咖喱大蝦、香煎比目魚、清蒸原條鮮魚等海鮮菜式。
壽司刺身區亦有多款海鮮選擇，包括三文魚、吞拿魚、北寄貝、甜蝦等。
自助餐價錢
| 餐期 | 成人價（每位） | 小童價（每位） |
|
自助晚餐 |
HK$988 起 |
HK$588 起 |
地址：香港中環干諾道中5號 香港文華東方酒店閣樓
最近港鐵站：中環站（F出口）或香港站（A2出口），步行約5分鐘
預訂連結：The Clipper Lounge
雅苑座咖啡室喺帝苑酒店三樓，位置坐落喺全港獨有嘅110呎高室內空中花園入面，周圍都係綠油油植物同噴泉，環境清新自然。餐廳主打環球美食自助餐，款式好豐富，海鮮迷一定要試佢哋嘅冰鎮海鮮專區，包括每日供應嘅波士頓龍蝦、加拿大長腳蟹、黃金螺、青口、翡翠螺、凍蝦同鮮甜海螺，全部新鮮爽甜。熱葷海鮮方面有酥炸生蠔同焗扇貝！
中式熱葷方面有片皮鴨、港式燒味、花膠燉湯，以及翡翠蠔皇花膠鮑魚。西式料理包括香草烤羊排、燒牛肋骨、焗芝士意粉同香煎鴨胸。亞洲風味方面有柚子海鮮沙律、泰式燒雞、日式壽司刺身同地道車仔麵。
甜品專區括帝苑招牌雜果拿破崙、蝴蝶酥、朱古力慕斯、鮮果撻、雪糕及多款蛋糕。
自助餐價錢
| 餐期 | 成人價（每位） |
|
自助午餐（星期一至六） |
HK$336 起 |
|
自助晚餐（每日供應） |
HK$561 起 |
地址：香港九龍尖沙咀東部麼地道69號帝苑酒店三樓
最近港鐵站：尖東站（P2出口）或紅磡站（D1出口），步行約8分鐘
預訂連結：The Greenery 雅苑座
Yamm 喺尖沙咀美麗華酒店地下大堂，係屢獲殊榮嘅自助餐餐廳，主打環球美食同即場烹調，食物款式夠晒多元，味道有水準，尤其係海鮮部分，真係令人回味無窮。每日晚市供應嘅生蠔係無限量任食，仲有波士頓龍蝦、蟹腳、翡翠螺、青口、凍蝦等冰鎮海鮮，全部新鮮爽甜。
餐廳設有多個開放式料理區，冷盤熱葷樣樣齊備，海鮮區可以睇住師傅即場開生蠔、切刺身、炙燒海鮮。餐廳以「好友共聚」為概念，整個氣氛好寫意又舒服。
自助餐價錢及OKiBook訂座折扣
|
餐期 |
成人價（每位） |
小童價（每位） |
|
自助午餐(星期一至五 | 12:00 - 14:30) |
HK$ 390.40
|
HK$ 238.40
|
|
自助晚餐 (18:30 - 22:00) |
HK$662.40 |
HK$ 366.40
|
地址：尖沙咀彌敦道118號美麗華酒店大堂
最近港鐵站：尖沙咀站（B1出口，步行約3分鐘）
OKiBook預訂連結：Yamm
自助山位於澳門上葡京酒店西翼三樓，是澳門最大型的自助餐廳之一，裝潢華麗，空間寬敞，設有室內及戶外座位。餐廳以亞洲美食市集為靈感，主打環球美食，設有多個即席烹調區。
海鮮方面有冰鎮蟹腳、小龍蝦、青口、扇貝、生蠔等冷盤選擇，亦可加購享用無限量即叫即煮海鮮，包括龍蝦、蟹、大蝦、白蜆等，並可指定烹調方式如芝士焗、蒜蓉蒸或椒鹽炒。
日式料理區提供刺身、壽司、茶碗蒸、蕎麥麵等；中式熱葷則有蒜蓉炒時蔬、黑椒牛柳、燒鴨、叉燒、燒乳豬等。
東南亞及印度美食包括新加坡肉骨茶、馬來沙嗲串、印度咖哩及飛餅；甜品區則有葡撻、馬卡龍、巧克力噴泉、舒芙蕾、雞蛋仔等，款式多元，賣相精緻。
自助餐價錢
|
餐期 |
成人價（每位） |
小童價（每位） |
|
自助早餐（每日 07:00–10:30） |
MOP$268 |
MOP$134 |
|
午市自助餐（星期一至五 12:00–15:00） |
MOP$358 |
MOP$179 |
|
午市自助餐（星期六至日及公眾假期 12:00–15:00） |
MOP$408 |
MOP$204 |
|
午市自助餐（節假日） |
MOP$508 |
MOP$254 |
|
晚市自助餐（星期一至四 18:00–22:00） |
MOP$788 |
MOP$394 |
|
晚市自助餐（星期五至日及公眾假期 18:00–22:00） |
MOP$878 |
MOP$439 |
地址：澳門路氹射擊路澳門上葡京酒店西翼三樓308號
最近交通：提供免費接駁巴士往返澳門機場、氹仔市中心及各大景點
預訂連結：自助山 The Grand Buffet
豐盛閣餐廳位於馬灣挪亞方舟度假酒店地下，設計時尚，環境舒適，坐擁180度全海景，飽覽青馬大橋、汀九橋及東灣沙灘的壯麗景致，讓你與摯愛親友在海風輕拂下，享受即燒即食的燒烤盛宴。餐廳主打燒烤套餐，並非傳統自助形式，特別適合鍾意戶外風味嘅你。
尊尚版「Chill 極致海陸空活海鮮燒烤套餐 （HK$1,888 - 4人）」包括安格斯牛扒、澳洲和牛漢堡、羊扒、雞肶肉、豬鞍等肉類，配上海虎蝦、海鱸魚柳、蝦丸等鮮味海鮮，再加上烤粟米、露筍、甘筍苗、大啡菇等蔬菜，食材豐富，啱晒四人共享。配醬方面有韓式梨蓉醬、泰式椰糖酸子汁同燒烤蜂蜜，味道層次分明，燒完即食最滋味。
如果想要性價比高啲嘅選擇，可以試吓「Chill 滋味燒烤美饌套餐（HK$1,388 - 4人）」，同樣適合四人用餐，包括安格斯牛扒、杜洛克豬肉眼、雞肶肉、蝦丸、海虎蝦、雜野菌、烤粟米同多款蔬菜，配醬同燒烤用具一應俱全，無論家庭聚餐定朋友 gathering 都一樣啱feel。
地址：新界馬灣珀欣路33號 挪亞方舟度假酒店地下
最近交通：可由荃灣西站轉乘專線小巴或巴士前往馬灣，步行約5分鐘即達
Le Menu 位於灣仔告士打道六國酒店一樓，環境高雅寬敞，設計融合維多利亞風格與現代元素，氣氛典雅又不失時尚感。餐廳全天供應環球美饌，主打半自助午餐、下午茶及華麗盛宴自助晚餐。
海鮮冷盤方面有波士頓龍蝦、加拿大雪花蟹腳、麵包蟹、翡翠螺、青口同熟蝦。熱葷精選包括鴨肝多士、片皮鵝、燒肉眼扒、鮑汁燴花膠、酥炸生蠔同蒜蓉粉絲蒸扇貝，香氣撲鼻，味道層次豐富。爐端燒區亦好受歡迎，有虎蝦、多春魚、雞翼串、紫蘇雞肉丸串、牛脷、雞軟骨同鮮菠蘿。
中式湯品方面有龍蝦蟹肉湯同竹絲雞螺頭燉豬展湯，滋補又暖胃。甜品專區有限定火焰雪山、美酒煮櫻桃，仲有 Häagen-Dazs 雪糕、自家製窩夫、藍莓芝士蛋糕、朱古力慕絲蛋糕同士多啤梨拿破崙。
自助餐價錢及OKiBook訂座折扣
| 餐期 | 成人價（每位） | 小童價（每位） |
|
自助下午茶餐 |
HK$ 262.40
|
HK$ 174.40
|
|
自助晚餐（2小時） |
HK$ 446.60
|
HK$ 243.60
|
|
自助晚餐（4小時） |
HK$ 516.60
|
HK$ 313.59
|
地址：灣仔告士打道72號六國酒店
最近港鐵站：灣仔站（A2出口，步行約5分鐘）
OKiBook預訂連結：Le Menu
PLAYT 位於柏寧酒店一樓，是一間主打環球美饌的全天候自助餐廳。餐廳設計時尚，空間寬敞，設有開放式廚房「Kitchen Theatre」，讓客人近距離欣賞廚師即場烹調香煎鴨肝、燒牛肋骨、印度咖喱、泰式炒粉同蒸魚等熱葷料理。
菜式融合亞洲與西方風味，選用優質食材，海鮮冷盤方面有波士頓龍蝦、鱈場蟹腳、青口、翡翠螺同熟蝦，全部新鮮爽甜，啱晒海鮮控。
自助餐價錢（2025年8月）
|
餐期 |
成人價（每位） |
小童價（每位） |
|
午餐（星期一至五，公眾假期除外） |
HK$448 |
HK$308 |
|
早午餐（星期六、日及公眾假期） |
HK$608 |
HK$418 |
|
下午茶（星期六、日及公眾假期） |
HK$338 |
HK$238 |
|
晚餐（星期一至四） |
HK$778 |
HK$498 |
|
晚餐（星期五至日及公眾假期） |
HK$798 |
HK$538 |
地址：香港銅鑼灣告士打道310號 柏寧酒店1樓
最近港鐵站：銅鑼灣站（E出口），步行約3分鐘
預訂連結：PLAYT
睇完14間精選餐廳介紹，相信你都搵到心水之選啦～無論你係海鮮控、鍾意食熱葷，定係甜品唔可少，總有一間啱你口味！ 經OKiBook 預訂又快又方便，仲有獨家優惠，低至6折！
快啲揀返間最啱你嘅餐廳，約埋屋企人、朋友、另一半，一齊享受豐盛美食，開心聚一餐！
記得bookmark OKiBook網站，我哋會定期更新最新嘅餐飲優惠資訊。祝大家搵到心水自助餐，同屋企人享受美味又溫馨嘅時光！
立即瀏覽 OKiBook，挑選心水餐廳，與摯愛親友共享一場豐盛的味覺盛宴！
--
以上文章內容由 OKiBook 編輯團隊撰寫，並無受任何報酬或贊助。任何得到報酬或贊助的產品或服務評論均會在相關文章中進行充分披露。最新資訊以餐廳為主。
--
