11/08/2025
香港嘅酒店自助餐一向深受本地人同遊客歡迎，特別係嗰啲親子友善嘅酒店餐廳，唔單止有豐富美食選擇，仲有舒適嘅用餐環境又坐得耐，最啱一家大細去享受美食！今次就等我哋精選15間高質素嘅親子友善酒店自助餐推薦俾大家，每間都有唔同特色同優惠，快啲睇吓邊間啱你心水啦！
6. Harbour Grand Café - 港島海逸君綽酒店：維港美景配美食
9. The Promenade - 九龍海逸君綽酒店：海景樂韻伴美食
11. The Food Gallery - 朗廷酒店：開放式廚房震撼體驗
位於灣仔海旁香港君悅酒店，茶園嘅自助餐一向以豪華美食同優質服務聞名。餐廳環境寬敞舒適，超大落地玻璃可以飽覽維港靚景，最啱滿足小朋友周圍望嘅好奇心！
茶園供應各式精緻甜品，即場製作的鬆脆窩夫更是不容錯過。優雅嘅三層架Afternoon tea set包括多款美味可口的鹹點及甜品，啱哂一家人影相打卡！
最近酒店推出咗三文魚盛宴自助晚餐，只限三晚於8月28日至30日供應，現凡預訂更可享85折優惠！一系列精緻的三文魚美食包括口感細膩的三文魚他他、醇厚美味的自製醃三文魚，仲有各式各樣的三文魚撻和肉凍。
透過 君悅酒店 官方eShop購買餐飲電子禮券，可享以下折扣價：
地址： 灣仔港灣道1號
最近港鐵站： 港鐵灣仔站A1出口
沙田凱悅酒店嘅咖啡廳設有露台位置，可以欣賞到壯麗山景，環境開揚空氣清新。餐廳採用開放式廚房設計，客人可以睇住廚師即場製作各款美食。
咖啡廳提供多國美食選擇，包括港人最愛嘅蒸煮同小炒菜式、壽司刺身、新鮮海鮮、即製薄餅同自家製意粉，仲有即場燒嘅優質肉類同海鮮。特別推介佢哋嘅海膽刺身飯同火焰雪山甜品，絕對係必食之選！
最近咖啡廳更首度與可口可樂®攜手於自助午餐及晚餐時段輪流供應懷舊港式菜式及糅合可口可樂®元素的創意菜式，包括避風塘炒虎蝦及可口可樂®話梅炆豬手。
透過 沙田凱悅酒店 官方預訂，可享以下折扣價：
地址： 沙田澤祥街18號
最近港鐵站： 港鐵大學站 B 出口
屯門黃金海岸酒店嘅聆渢咖啡廳鄰近沙灘，環境開揚舒適，最啱一家大細週末出遊。餐廳以開放式設計為主，可以望住黃金海岸嘅靚景chill住用餐。佢哋嘅海鮮仲特別新鮮，因為近海吖嘛！
用餐區設有多個即煮美食站，源源不絕呈獻即製佳餚。晚餐時段戶外用餐區更供應各式馳名的燒烤美饌，香氣泗溢，風味十足。
餐廳最近推出「和牛饗宴自助餐」5折，真係超級抵食！今次主打多元烹調方法料理嘅和牛菜式，包括慢燒美國頂級和牛肩胛肉、和牛壽喜燒、紅酒燉和牛面頰等。
透過 OKiBook 平台預訂，可享以下折扣價：
地址： 屯門青山公路1號香港黃金海岸酒店
最近港鐵站： 港鐵屯門站轉乘K51巴士
尖沙咀麗晶酒店嘅港畔餐廳，一向以高級食材同精緻菜式聞名。餐廳裝潢華麗優雅，係慶祝家人特別日子嘅理想選擇。位處維港岸邊，無論從咩角度都能飽覽港島與九龍的壯麗天際線，喺維港美景相伴下，同親友共享一場夏日奢華盛宴。
餐廳主打國際自助餐，提供多款頂級海鮮，包括波士頓龍蝦、鮑魚、花膠等珍貴食材。熱葷方面有燒和牛、香煎鵝肝、北京烤鴨等招牌菜式。甜品區更有法式甜品師傅即場製作嘅精緻甜點，梳乎厘配埋Häagen-Dazs雪糕，簡直係完美嘅組合！
值得一提的是，餐廳現正呈獻「品味塔斯曼尼亞松露」的主題自助餐，為食客精心炮製頂級塔斯曼尼亞松露的絕妙風味。招牌菜式包括在帕瑪森芝士輪內即席完成的松露蘑菇燴飯，以及松露香烤意式燒豬，令人垂涎欲滴！
透過 麗晶酒店 官方預訂，可享以下折扣價：
地址： 尖沙咀梳士巴利道18號
最近港鐵站： 港鐵尖沙咀/尖東站 J 出口
美麗華酒店嘅Yamm多年來都係熱門自助餐嘅不敗之選，餐廳採用「社交自助餐」概念，全日供應國際自助餐及單點菜式，融合亞洲與西方料理風格。當中包括日式、東南亞及西式菜餚，特別適合家庭聚餐，保證人人都有嘢啱食！
如果你係海鮮控，一定唔可以錯過呢份酒店自助餐海鮮吃到飽攻略！
Yamm 提供多款空運到港嘅新鮮海鮮，包括波士頓龍蝦、即開生蠔、鱈場蟹腳等，任食到你心滿意足。同場更設有現場烹調專區，源源不絕的菜式供客選擇，包括燒鰻魚、鱒魚、鮪魚夾燒壽司等熱食。餐廳仲經常轉換主題，務求為食客帶來新鮮感。除咗海鮮，記得試吓佢哋嘅即製甜品同多款來自世界各地嘅芝士！
透過 OKiBook 平台預訂，可享以下折扣價：
每日輪換四款午餐 Buffet（亞洲輪替主題） - 78折優惠：
自助晚餐：
每月特別限定「Catch the Crab!」螃蟹主題晚餐原價：成人 HK$868、兒童（3–11歲）HK$498
*另收10%服務費
地址： 尖沙咀彌敦道118號
最近港鐵站： 港鐵尖沙咀B1/尖東站N5出口
北角港島海逸君綽酒店Harbour Grand Café 配合周邊維港景致，令人舒適愜意，更有數之不盡的國際美饌，無論品嚐早、午、晚自助餐，皆為賞心樂事。
今個夏天，Harbour Grand Café 呈獻「日韓風味自助晚餐」，匯聚多款日本及韓國的經典美食，為食客帶來一場日韓味蕾盛宴。日式料理有蟹籽沙律、燒帶子稻庭烏冬配芝麻汁、海鮮大阪燒及鹽燒牛舌等；韓式料理則有泡菜海鮮煎餅、芝士炸雞槌及醬烤豬腩肉等。不論你鍾情日系還是韓風，都可以逐一品嚐，而每位成人均可免費獲贈韓國人蔘雞湯乙客。
甜品區同樣引人入勝，焦點所在：黑芝麻焦糖燉蛋、綠茶木糠布甸、薄荷朱古力Oreo蛋糕及白桃奶涷等多款人氣甜點。夏天當然少不了Mövenpick雪糕，12款不同口味任君選擇，為炎夏帶來清爽甜蜜的冰涼享受。
透過 港島海逸君綽酒店 官方預訂，可享以下折扣價：
地址： 北角油街23號
最近港鐵站： 港鐵炮台山站A出口
露台餐廳 (The Verandah) 係半島酒店的高級自助餐餐廳，裝潢典雅、空間明亮，非常適合家庭聚會。餐廳的豪華與禮賓式服務極度講究，標誌性嘅白手套與典雅氛圍營造尊貴嘅用餐體驗。
早餐供應一系列Naturally Peninsula健康飲品，午餐和晚餐時段供應包括鮑魚、帝王蟹腳等高級海鮮冷盤，亦有壽司、煙三文魚等選擇。熱食區力推和牛臀肉、蜜汁火腿，以及中式燴菜與咖哩等多元風味。甜品則以半島自家設計蛋糕與多款精緻甜品為主，極具視覺藝術性與味覺享受！
雖然兒家炎炎夏日，但記得記住餐廳有dress code要求：午餐可接受 Smart Casual 裝束，晚餐則要求男士著長褲、長袖衫及包趾鞋。吾想被拒入場就千其吾好著運動裝或者沙灘裝喇！
透過 半島酒店 官方預訂，可享以下折扣價：
地址： 尖沙咀梳士巴利道22號
最近港鐵站： 港鐵尖沙咀E/尖東站L3 出口
Hotel ICON 唯港薈The Market嘅設計靈感源自亞洲和歐洲富有特色的食品市場，賓客可嚐盡頂級環球美食。餐廳設有多個開放式廚房，營造出充滿活力的氛圍。每個美食專區都有廚師即場烹調，確保食物新鮮滾熱辣。
The Market自助餐提供多款地道菜，包括東南亞菜、中式糕點、日本料理和西式美食等，當中以優質海鮮和榴槤甜品最受歡迎。必食推介包括阿拉斯加帝王蟹、宮崎 A5 和牛料理、星洲海鮮喇沙、海南雞飯及巴東牛肉等。
自助餐融合咗傳統同創新元素，有充滿驚喜嘅分子料理同創意甜品。特別推介佢哋嘅手工雪糕同朱古力噴泉，小朋友一定好鍾意！
透過 OKiBook 平台預訂，可享以下折扣價：
地址： 尖沙咀科學館道17號
最近港鐵站： 港鐵尖東站P2出口
位於紅磡九龍海逸君綽酒店嘅The Promenade自助餐向來廣受食客歡迎。不但食物種類非常豐富，還有高20尺的落地玻璃窗透視維港海景，加上每晚都有現場音樂表演，氣氛簡直一流！
自助餐提供多樣化的國際美食，精選推介即開新鮮生蠔、俄羅斯雪花蟹腳、北海道扇貝和甜蝦刺身。熱食有烤羊架、香煎鴨肝、有骨燒牛肉等人氣菜式！
甜品有齊Häagen-Dazs脆皮雪糕批同Mövenpick雪糕，以及招牌芒果拿破崙、琳瑯滿目的蛋糕及甜點，大家記得要留肚食甜品呀！
透過 九龍海逸君綽酒店 官方預訂，可享以下折扣價：
地址： 紅磡德豐街20號
最近港鐵站： 港鐵黃埔站D2出口
灣仔萬麗海景酒店嘅萬麗咖啡室以國際化美食選擇聞名，餐廳又可以望到維港景色，環境舒適寬敞，家庭親子友善。
萬麗咖啡室精心為客人重新設計飲食概念，有豐盛的早、午、晚自助餐之餘，更設有自選菜譜，滿足賓客的不同需要。自助餐提供多國美食，包括中式點心、日式料理、意大利菜同印度菜等。海鮮區有新鮮生蠔、青口、蝦蟹等，特別推薦原隻清蒸波士頓龍蝦，肉質鮮甜爽口彈牙！
甜品同樣創意滿分，有XTC Gelato手工雪糕（榴槤、泰式奶茶、柚子等風味）、木糠布丁、巴斯克芝士蛋糕、香蘭戚風蛋糕等多款蛋糕、時令水果撻及其他精美甜品。
透過 萬麗海景酒店 官方預訂，可享以下折扣價：
地址： 灣仔港灣道1號
最近港鐵站： 港鐵灣仔站A5出口
尖沙咀朗廷酒店The Food Gallery地點方便，自助餐美食款式多樣化，以開放式廚房設計，食客可以欣賞大廚即席烹調各國美食及創意佳餚。以創新的互動手法，為你帶來全面升級的味覺及視覺享受。
於7月至9月期間，餐廳推出全新「蟹迷出動」自助晚餐，召喚蟹迷去盡情享受全蟹盛宴。菜單包括甲羅燒、帝皇蟹肉茶碗蒸，以及新鮮炒蟹，從姜蔥風味到新加坡胡椒風味都有。最後再以芒果及榴槤甜品區作結，從芒果酥脆撻到榴槤千層酥，各式各樣的夏日限定甜品不容錯過！
P.S. 千萬不要錯過自助餐暗藏的小驚喜！餐廳每日會有4款限定菜式供應，聽到鈴聲就係新鮮出爐嘅時間，最啱叫小朋友留意住，増加用餐嘅趣味性！
透過 九龍海逸君綽酒店 官方預訂，可享以下 65 折 折扣價：
地址： 尖沙咀北京道8號
最近港鐵站： 港鐵尖沙咀站C1/尖東站 L5 出口
北角海逸酒店嘅綠怡咖啡廳以親民價錢提供高質素自助餐而聞名。餐廳設計優雅，環境舒適，最啱一家大細嚟享受美食。平日午餐只需$268起，真係超級抵食！
雖然價錢親民，但食物質素一啲都唔馬虎，特別係佢哋嘅即製炒粉麵同甜品，都好受歡迎。自助午餐及晚餐均無限量供應即開生蠔、Movenpick 雪糕，酒水方面可以無限暢飲汽水、橙汁、日本清酒、精選紅/白酒、啤酒。值得一提：唔同酒店對於客人自帶飲品都有唔同限制，建議事前查看酒店自助餐自帶酒水政策詳解，避免額外收費或尷尬情況發生。
正值暑假，餐廳更於特定日子舉辦「我是小廚神」工作坊。凡惠顧自助晚餐，5-11歲的小朋友可免費於特定日期及時段參加工作坊，現場跟廚師學習製作食物，夏日滿FUN！
透過 九龍海逸君綽酒店 官方eShop預訂，可享以下折扣價：
地址： 北角英皇道665號
最近港鐵站： 港鐵鰂魚涌站 C 出口
召喚生蠔迷！8度海逸酒店嘅自助晚餐可以任食生蠔！8 度餐廳於多個時段提供自助餐，以亞洲同西式fusion菜為主，有多款創新菜式。海鮮選擇包括生蠔、蝦、青口等，仲有即製pasta同pizza，甜品區有多款精緻蛋糕同自家製雪糕，適合一家大小。
餐廳最新推出豐盛的蟹逅宮崎牛・海鮮自助晚餐，海鮮發燒友可以食到即開生蠔、鱈場長腳蟹、麵包蟹、即煎A4宮崎和牛、煎鴨肝伴黑松露汁、椒鹽鮮鮑魚等美食！ 8度海逸酒店提供輕鬆休閒嘅用餐環境，最特別係佢哋經常推出自助餐連房間嘅套票優惠，好適合想staycation嘅家庭！
透過 8度海逸酒店 官方預訂，可享以下折扣價：
地址： 土瓜灣九龍城道199號
最近港鐵站： 港鐵宋皇臺站D出口
紅磡都會海逸酒店嘅Promenade西餐廳係區內人氣自助餐選擇，特別深受年輕人歡迎。餐廳設有落地玻璃窗，景觀開揚可一望無際維港景緻，營造舒適且高級的用餐感受。
餐廳大廚有入廚40年經驗，選用新鮮的材料，炮製各種國際佳餚，適合各種味蕾喜好。餐廳主打亞洲與西式風味融合，菜式變化豐富、食材多元，共有超過 200 款菜色供選擇，包括日式刺身壽司、中式點心、西式燒烤同東南亞菜式。另外更定期推出主題晚宴，例如日本/韓國風、海洋主題、季節限定甜品等，呈現不同亞洲風味的創意料理。
透過 都會海逸酒店 官方預訂，可享以下折扣價：
地址： 紅磡都會道7號
最近港鐵站： 港鐵紅磡站 B2 / C2/ D6 出口
JW萬豪酒店 JW Café 充滿時尚及舒適的氛圍，餐廳坐擁繁華都市景致，標誌性的落地玻璃窗配搭時尚簡約的佈置，為賓客打造愜意的空間享受美食。午餐及晚餐時段供應琳琅滿目的任食海鮮及國際美饌，所有佳餚均選用空運新鮮優質食材炮製。JW咖啡室自助晚餐提供琳瑯滿目的新鮮海產，包括新鮮龍蝦及海蝦等。盡情享受日式手握壽司和刺身，星期五至日更限定供應火炙日本 A5 和牛壽司，油脂豐腴讓人回味無窮！
延續美食之旅，品嚐其他佳餚如即席切肉、片皮鴨、以及即席烹調的麵食等。熱葷區供應一系列亞洲和國際特色美食，包括燜澳洲厚花膠及澳洲烏參、燜原隻南非鮑魚等。不要錯過精緻誘人的自家製甜品及糕點，為晚餐畫上完美句號。
透過 香港JW萬豪酒店 官方e-shop預訂，可享以下折扣價：
地址： 香港金鐘道88號太古廣場
最近港鐵站： 港鐵金鐘站 F 出口
睇完以上15間酒店自助餐推介，相信大家都搵到心水選擇啦！想慳錢又食得豪華？記住呢啲香港高CP值酒店自助餐訂位技巧：提早網上預訂、利用平日優惠、同會員折扣配合使用，輕鬆慳到一大筆！
最後記得bookmark OKiBook網站，我哋會定期更新最新嘅餐飲優惠資訊。祝大家搵到心水自助餐，同屋企人享受美味又溫馨嘅時光！
立即瀏覽 OKiBook，挑選心水餐廳，與摯愛親友共享一場豐盛的味覺盛宴！
--
以上文章內容由 OKiBook 編輯團隊撰寫，並無受任何報酬或贊助。任何得到報酬或贊助的產品或服務評論均會在相關文章中進行充分披露。最新資訊以餐廳為主。
--
